Ճամբարակում երեկ տեղի ունեցած պայթյունի հետևանքով երևանյան բուժհաստատություն տեղափոխված 3 տուժածներից մեկի առողջական վիճակը գնահատվում է ծայրահեղ ծանր, մյուս երկուսինը` միջին ծանրության, հայտնում է Առողջապահության նախարարությունը:
Ճամբարակի ԲԿ-ում բուժօգնություն ստացող 7 տուժածից 3-ն այսօր դուրս է գրվել, մնացածը կշարունակեն մնալ բժիշկների հսկողության տակ, նրանց առողջական վիճակը գնահատվում է բավարար, ասված է հաղորդագրությունում:
Գեղարքունիքի մարզի Ճամբարակ բնակավայրի բնակելի շենքում տեղի ունեցած պայթյունի հետևանքով 5 մարդ զոհվել է, 11-ը՝ վիրավորվել:
Պայթյունի պատճառները դեռ հստակ չեն: Առավելապես տուժել են չորս հարկանի շենքի կողային հատվածի վերջին հարկերի բնակարանները:
ԿԱՐԴԱՑԵՔ ՆԱԵՎ 5 զոհ, 11 տուժած Ճամբարակի պայթյունի հետևանքով